Það er svo mikið rafmagn sem kemur upp úr jörðinni

by eiduralfredsson

Tvíhöfði hefur nú tekið við af Reykjavík Síðdegis á Bylgjunni. Garðar Bergendahl (sem hlýtur að vera besta nafn í heimi) “rafbylgjumælingamaður” var í viðtali á þriðjudag um “rafsegulmengun” (hlusta hér).

Það er víst nóg að gera hjá Garðari, en þó minna eftir að kreppan skall á. Hann ræddi m.a. um hættuna sem stafar af rafmagnsrúmum.

Garðar: “Þetta hefur gríðarlega mikið að segja, sko. Mótorarnir senda upp í bakið á fólkinu.”
Spyrill: “Ráðleggurðu fólki að taka þessi rúm úr sambandi, þá?”
Garðar: “Það hefur ekkert að segja.”
Spyrill: “Það hefur ekkert að segja?”
Garðar: “Nei, það skiptir engu máli. Sko, jarðáran sem kemur upp úr jörðinni, hún fer í mótorinn líka.”
Spyrill: “Já, já.”
Garðar: “Það er svo mikið rafmagn sem kemur upp úr jörðinni og það fer líka alveg eins í mótorinn.”

Gaman að þeir félagar skuli vera komnir aftur í loftið. Merkilegt samt að borgarstjórinn skuli hafa tíma fyrir svona.

Advertisements